النائب / محمد فريد - بيانات وتصريحات

مش كل الإصلاحات الاقتصادية بتبدأ من الموازنة… بعضها بيبدأ من المدرسة
أعلن النائب محمد فريد موافقة المجلس على اقتراحه بتقديم محتوى للتثقيف المالي لطلبة المدارس، في خطوة مهمة لبناء وعي اقتصادي حقيقي لدى الأجيال الجديدة.
الفكرة مش إضافة مادة جديدة تزحم المناهج أو تزود أعباء على الأهالي، لكنها محتوى مبسط يعلّم أولادنا:

•  إزاي يدّخروا
•  إزاي يفكروا قبل ما يستلفوا
•  إزاي يخططوا لمستقبلهم

 
وأكد النائب إن ده استثمار طويل الأجل في بناء الإنسان المصري، مش مجرد إجراء تعليمي.
الدراسات والتجارب في دول زي:

• الولايات المتحدة – سنغافورة– أستراليا  – المملكة المتحدة 
• وكمان في العالم العربي: الإمارات – الأردن  – المغرب 

أثبتت إن الطلاب اللي بيتعلموا التثقيف المالي بيكون عندهم قدرة أكبر على اتخاذ قرارات مالية سليمة.
وبالتالي، التثقيف المالي مش رفاهية…

بل مهارة أساسية بتحدد إزاي الفرد:

• يدير دخله
• تخذ قرارات واعية
•  يخطط لمستقبله بدون الوقوع في دوائر الديون

النوع ده من السياسات هو اللي بيكسر حلقة الفقر من جذورها، وبيصنع مجتمع أكثر وعيًا واستقرارًا.